بدك مساعدة دراسية أو مرجع ضروري فوت و اطلب

[علاء الدالية]

مساء الخير و كل عام و انتو بخير شباب و صبايا الملتقى
حبينا نعرض مساعدتنا ، مو بس أنا في غيري كمان و ما حدا بيتوانى عن الخدمة اللهم إذا قدر
بالتالي :
كل الأعضاء الطلاب اللي بنعرف الضغط الامتحاني اللي هنن يرزحون تحته و عندون نقطة غامضة حابين يتساءلوا عنها أو عايزين مرجع ضروري و مو ملاقيينه ممكن يطرحوا المشكلة هون
ضمن المنتدى ممكن ORKID تساعد بمواد الهندسة المدنية و أنا ممكن ساعد بمواد هندسة الاتصالات و الالكترونيات و البرمجة إلى حد معين و لدينا بالملتقى عدة أعضاء باختصاصات متنوعة أخرى و جرب تطلب هون مانك خسران شي
بس لازم تعطينا وقت كافي لنساعد "تقريباً يوم" و إذا بتخجل تطلب علناً ممكن تطلب عالخاص الشي اللي بدك ياه
و تذكروا "لا يكلف الله نفساً إلا وسعها "

[ORKID]

متل ما حكى الأخ علاء

WE ARE READY TO HELP YOU , JUST ASK ...

ياريتني كنت لسه طالبة مشان أهلككن من الاسئلة هههههه

[ندى الصباح]

I am also ready for any help concerning English language and somehow French

[alosh722]

ممكن حدى يقدم عني امتحاني
... عم امزح .....
فكرة الموضوع رائعة
بالتوفيق
::bye

[roor]

فكرة كتير حلوة يسلم إيديك أخي علاء
ما بعرف إذا في حدا باختصاصي
بس أي حدا بدو أي موضوع أو بحث بالغزل والنسيج والكيمياء العضوية والبوليميرات.... الخ
أنا جاهزة وتكرم عينكم

[نورا]

وإذا حدا بدو مساعدة بمواد هندسة الميكانيك ( بس من عدا مادة المحطات وتوليد الطاقة ) وبالفيزياء و بالرياضيات
أنا هون

[ORKID]

طلعنا شلّة مهندسين بقلب بعض...........

شو رأيكن نعمل قسم نسميه ( المنتدى الهندسي ) نحكي فيه شو ما بدنا ونحط مواضيع هندسية .. بحث يصير هالقسم مرجع لكل مهندس عم يبحث عن أي شي؟؟؟؟

[علاء الدالية]

طلعنا شلّة مهندسين بقلب بعض...........

شو رأيكن نعمل قسم نسميه ( المنتدى الهندسي ) نحكي فيه شو ما بدنا ونحط مواضيع هندسية .. بحث يصير هالقسم مرجع لكل مهندس عم يبحث عن أي شي؟؟؟؟
بزمانو راح واحد يخطب من جماعة قام قلو أبوها للبنت : شو بتشتغل يا عمو ؟؟؟
جاوبه الشب : مهندس ، راح قلو أبوها : معلش عمو لا تخجل الشغل مو عيب!!!!!!! :D
ايه لكن شو مفكرة شلة عواطلية بيحكوا بالثقافة و بيعملوا حالن فهمانين بكل شي ::bravoo و الله يعينو اللي بيقلنا ما أحلى الكحل بعينكن أكيد مهندسين
مشان المنتدى و الله فكرة

[ORKID]

ولو انو الموضوع مو هون محلو بس رح احكيلك هالشغلة...

بأول محاضرة بمادة التصميم بأول يوم دوام بالجامعة بالسنة الاولى دخل الدكتور وبعد السلام والترحيب حكالنا النكتة التالية..

في واحد راح يخطب سألوه شو بتشتغل؟ قالن مهندس ، قالولو طيب والوالد شو بيشغل ؟ قالن مهندس.. قالولو مين بيصرف عالبيت لكن؟؟؟؟؟؟

[حفيد سليمان الأحمد]

لسلام عليكم أيها الأخوة و الأخوات
أنا عضو جديد بالمنتدىو ما بعرف إذا بحق لي أنه أطلب أو اسأل بس مضطر
أناطالب هندسة كهرباء اختصاص حواسيب و عنا مادة دارات 1 ما بعرف ليش بيعطونا هي
المهم سؤالي هو على الشكل التالي و اللي يمكن رح يساعدني فيه الأخ ORKID
شو يعني مرشح من الدرجة الأولى أو الثانية و كيف يعني إذا إذا غيرنا التردد على دخل دارة مكثفة ممكن الإشارة يتغير مطالها
كمان عندي سؤال تاني و هو : شو هو تردد القطع ؟؟؟ هو نفسه تردد الطنين؟؟؟؟
لا تواخذني أخ أوركيد بس عندي امتحانين بيومين وراء بعض و بالتالي محتاج الحل بكرة الصبح إذا قدرت و إذا ما قدرت مو مشكلة متل مو كاتب علاء : لا يكلف الله إلا وسعها

[حفيد سليمان الأحمد]

كمان عندي سؤال بشغلة تانية : شو البروتوكول تبع الشبكات اللاسلكية؟ و شو المجال الترددي تبعها؟

[عبد الله صافي]

فكرة حلوة و مفيدة ... بارك الله فيك أخي علاء ...
من ناحيتي ممكن ساعد في مجال الهندسة المعلوماتية و خصوصا في مجال البرمجة لكن ليس برمجة الويب !
على ذكر النكت ذكروتني بنكتة عدم التعيين ...شو هي نهاية المهندس لما س تنتهي إلى 5 ؟ الجواب طبعا عدم تعيين !

[علاء الدالية]

لسلام عليكم أيها الأخوة و الأخوات
أنا عضو جديد بالمنتدىو ما بعرف إذا بحق لي أنه أطلب أو اسأل بس مضطر
أناطالب هندسة كهرباء اختصاص حواسيب و عنا مادة دارات 1 ما بعرف ليش بيعطونا هي
المهم سؤالي هو على الشكل التالي و اللي يمكن رح يساعدني فيه الأخ ORKID
شو يعني مرشح من الدرجة الأولى أو الثانية و كيف يعني إذا إذا غيرنا التردد على دخل دارة مكثفة ممكن الإشارة يتغير مطالها
كمان عندي سؤال تاني و هو : شو هو تردد القطع ؟؟؟ هو نفسه تردد الطنين؟؟؟؟
لا تواخذني أخ أوركيد بس عندي امتحانين بيومين وراء بعض و بالتالي محتاج الحل بكرة الصبح إذا قدرت و إذا ما قدرت مو مشكلة متل مو كاتب علاء : لا يكلف الله إلا وسعها
و عليكم السلام و الإكرام
أهلا و سهلا فيك أخي حفيد سليمان الأحمد و الله يقدس ارواح المؤمنين أجمعين
و الله يعينك لأنه اللي بدو يحمل اسم هالعالم الجليل بدو يحاول يكون قدو
أخي الكريم : بيحقلك تسأل طبعاً و الأخ ORKID إذا لقطتك هلق ::waa3لأنها مانها أخ و هي مهندسة مدنية و بالتالي أنا إن شاء السميع العليم رح جاوبك و امهلني ساعة بس لرتب الجواب على ورقة و بعدين بنحكي

[علاء الدالية]

أخي الكريم حفيد سليمان الأحمد أرجو أن تراجع الإدارة بخصوص اسمك و ان تراجع موضوع التعارف لجلاء أي غموض لأن للعالم الجليل الشيخ سليمان الأحمد مكانة رفيعة و أنت أدرى و سأحاول أن أجيبك عن أسئلتك متوسماً بك الخير

[ORKID]

للأخ يلي طلب المساعدة ..
متل ما حكى علاء ... انا اختصاصي مدني يعني اسالني بيتون ، انشاءات ، هيدروليك ، فيزيا ، رياضيات ، تصميم هندسي ، ... الخ
آسفة اني ما رح فيدك بموضوع الدارات ، بس أكيد علاء بيقدر يفيدك منيح ............ انشالله موفق يا رب ، طمننا عن موادك زكيف عم تقدّم.........

علااااااااااااء ............ دبرلنا الشب من عندك ، وما مننسالك نسبتك
هههههههههه

[علاء الدالية]

بنبدأ بالسؤال الأول أخي الكريم :
يعمل المرشح على مبدأ المصفاية يعني نحن نسمح من خلال هذا المرشح بمرور قضايا معينة و نمنع أخرى و بالتعريف الكهربائي للكلمة المرشح هو دارة أو نظام الكتروني يقوم بتمرير إشارات كهربائية معينة إذا طبقت على دخله (و يعدل الربح و الصفحة لهذه الإشارات) و يرفض أخرى بناء على الشروط التي تم بناء المرشح لأجلها

[فيصل شريف محمد]

خيي علاء : أنا ما فيني ساعدك غير بمادة اللغة العربية
أي سؤال حولها انا جاهز للمساعدة , بالملتقى و على الهاتف
و إذا اضطريت , على أرض الواقع ,,,

[ORKID]

انا شايفة انو علاء جاوب على سؤال واحد بس ..... وين بقية الأجابات ؟؟؟

بدك تخجلنا قدام الشب ؟؟؟؟؟؟؟ ؟؟؟

[فيصل شريف محمد]

طيب شو هوي هادا السؤال ؟؟

[علاء الدالية]

هلق شو يعني درجة اولى هي لازم تعرفها كونك متل ما بتوقع سنة تالتة بس مو مشكلة
كل دارة أو نظام (علبة سوداء بدخل و خرج) يتم توصيفها بعلاقة بين الدخل و الخرج
هذه العلاقة إن كانت تفاضلية من الدرجة الأولى فالدارة أو النظام أو المرشح من الدرجة الأولى
و إن كانت تفاضلية من الدرجة الثانية فتكون الدارة أو النظام أو المرشح من الدرجة الثانية و هكذا

و الآن كيف يعني إذا غيرنا التردد على دخل دارة مكثفة بيتغير المطال
طبعاً بيتغير المطال و أنا بتوقع إنك عم تحكي عن دارة مقاومة - مكثفة(RC ) و هي مرشح من الدرجة الأولى و يمرر الإشارات ذات التردد المنخفض إذا كان الخرج على المكثفة بربح قريب من الواحد (يعني الإشارة اللي عالدخل نفسها بتطلع على الخرج تقريباً) و إذا كانت المكثفة قبل المقاومة و الخرج على المقاومة فيتحقق العكس و تصبح الدارة مرشح تمرير مرتفع يعني الإشارات ذات الترددات العالية بتمر و الباقية لا

[علاء الدالية]

خيي علاء : أنا ما فيني ساعدك غير بمادة اللغة العربية
أي سؤال حولها انا جاهز للمساعدة , بالملتقى و على الهاتف
و إذا اضطريت , على أرض الواقع ,,,
والله إنك ابن أصل خيي فيصل و هالعرض ما بيعرضه غير إنسان كريم
و شكراً لوقفتك معنا

[ORKID]

طيب شو هوي هادا السؤال ؟؟

بدك ترجع تقرا المشاركات حتى تعرف الاسئلة والاجوبة المطروحة ... ::laughing

[علاء الدالية]

انا شايفة انو علاء جاوب على سؤال واحد بس ..... وين بقية الأجابات ؟؟؟

بدك تخجلنا قدام الشب ؟؟؟؟؟؟؟ ؟؟؟
طولي بالك علينا عم نجاوب سؤال سؤال و عندي الانترنت فضائي بسرعة تقارب الواحد كيلو بالثانية فشو بدي اعمل ، على كل ابن عمي عم يدرس مدنية بدي خليه يفوت و يسأل على راحته و و أنا رح أقعد اتفرج

[ORKID]

هلق شو يعني درجة اولى هي لازم تعرفها كونك متل ما بتوقع سنة تالتة بس مو مشكلة
كل دارة أو نظام (علبة سوداء بدخل و خرج) يتم توصيفها بعلاقة بين الدخل و الخرج
هذه العلاقة إن كانت تفاضلية من الدرجة الأولى فالدارة أو النظام أو المرشح من الدرجة الأولى
و إن كانت تفاضلية من الدرجة الثانية فتكون الدارة أو النظام أو المرشح من الدرجة الثانية و هكذا

و الآن كيف يعني إذا غيرنا التردد على دخل دارة مكثفة بيتغير المطال
طبعاً بيتغير المطال و أنا بتوقع إنك عم تحكي عن دارة مقاومة - مكثفة(RC ) و هي مرشح من الدرجة الأولى و يمرر الإشارات ذات التردد المنخفض إذا كان الخرج على المكثفة بربح قريب من الواحد (يعني الإشارة اللي عالدخل نفسها بتطلع على الخرج تقريباً) و إذا كانت المكثفة قبل المقاومة و الخرج على المقاومة فيتحقق العكس و تصبح الدارة مرشح تمرير مرتفع يعني الإشارات ذات الترددات العالية بتمر و الباقية لا



واللله هالحكي عجبني حاسة حالي فهمت شي...
بس بدي تفاصيل أكتر .........

شو رأيك تعمللنا شي دورة ؟؟؟

[ORKID]

طولي بالك علينا عم نجاوب سؤال سؤال و عندي الانترنت فضائي بسرعة تقارب الواحد كيلو بالثانية فشو بدي اعمل ، على كل ابن عمي عم يدرس مدنية بدي خليه يفوت و يسأل على راحته و و أنا رح أقعد اتفرج

مواااااااااااااااااااااااااااااافقة ...............
خليه يسأل براحته ........................................... :D

[علاء الدالية]

تردد القطع يا غالي قضية مختلفة تماماً عن تردد الطنين
تردد الطنين متل ما بتذكر من البكالوريا لما درسناه في الدارة التسلسلية مقاومة-مكثفة-وشيعة (RLC) هو التردد الذي يتحقق عنده أن مطال الممانعة المحصلة الكلية للدارة أصغري و بالتالي مطال جهد الخرج اكبر ما يمكن ويتحقق ذلك عندما تنشحن المكثفة و تتفرغ كهربائياً بطريقة معاكسة تماماً للطريقة التي تنشحن فيها الوشيعة و تنفرغ مغناطيسياً
أما تردد القطع : فعند رسم مخطط بود للدارة و لازم تكون بتعرف بود للمطال فهناك نقطة بتهمنا كتير هي النقطة التي من بعدها ينزل الربح بأكثر من 3dB بمعنى آخر يصبح مطال إشارة الخرج حوالي السبعين بالمئة من المطال الاعظمي لإشارة الخرج أو بالمثل تصبح الاستطاعة العظمى المقدمة تساوي نصف العظمى

[علاء الدالية]

البروتوكول تبع الشبكات اللاسلكية هو IEEE 802.11 fs a و الترددات التي تعمل عليها الشبكات اللاسكية متعددة و أحياناً تختلف حسب البلد كون المجالات الترددية المحجوزة عسكرياً تختلف و ليست موحدة بس كلها من رتبة 1G Hz يعني بزماني اطلعت عالموضوع و بتذكر أنه حسب الإصدار تبع البروتوكول بيختلف التردد و عرض الحزمة حوله و كان في تردد 2.4G

[علاء الدالية]

أخي حفيد سليمان الأحمد
إذا لسا في شي ما نو واضح أو عندك تساؤل تاني أنا بكرة عالنت و رح شوف شو تعليقاتك و تشكر الأخ ORKID لأنه ضلت تزن عراسي لحتى خلصت
أهلا و سهلا فيك بين اهلك

[علاء الدالية]

شو شايفك ما علقت على الأجوبة مع إنك كنت مستعجل كتير؟؟؟!
على كل حال الله يوفقك

[حفيد سليمان الأحمد]

أخي الكريم علاء
أطمئنك اني دخلت كزائر في المرة الماضية و رأيت الأجوبة التي وضعتها مشكوراً و أسجل هنا عتبي على الإدارة
و في الحقيقة نيال الدالية بهيك شباب ... عن جد شكراً جزيلاً انت و الأخت أوركيد اللي بعتذر منها فكرتها شب
و بيجوز اسألك كم سؤال يتعلق بالشبكات اللاسلكية بعد كم يوم

[حفيد سليمان الأحمد]

عندي سؤال انكليزي و بدي مين يجاوبني إذا بتريدوا :
الجمل الشرطية و الأدوات التي نستخدمها معها و هيك قصص

[علاء الدالية]

أخي الكريم علاء
أطمئنك اني دخلت كزائر في المرة الماضية و رأيت الأجوبة التي وضعتها مشكوراً و أسجل هنا عتبي على الإدارة
و في الحقيقة نيال الدالية بهيك شباب ... عن جد شكراً جزيلاً انت و الأخت أوركيد اللي بعتذر منها فكرتها شب
و بيجوز اسألك كم سؤال يتعلق بالشبكات اللاسلكية بعد كم يوم
إن شاء الله نكون قدرنا افدناك يا صديقي و ما في داعي للشكر يلي غمرتني فيه و أهلا و سهلا فيك مرة تانية و اسأل شو ما ردت و نحن بنجاوبك على قدر ما بنعرف

[ORKID]

تتألف الجملة الشرطية من قسمين .. القسم الأول هو الجملة التي تحتوي على الـ if ، ونسميها ( if clause ) ، والقسم الثاني هو ( main clause ) ، والجمل الشرطية 3 أنواع ....

1- حالة المضارع البسيط : present simple : بهالحالة منستخدم بالقسم الأول زمن المضارع البسيط ، والبالقسم التاني مستخدم (will ) ، ومنستخدم هالنوع لما منكون عم نحكي عن شي واقعي ومتأكدين منه 100% . مثال :
If he studies, he will pass the exam
إذا درست فسوف تنجح


2- حالة الماضي البسيط past simple : وهون منستخدم بالقسم الأول زمن الماضي البسيط ، وبالقسم التاني منستخدم ( would ) ، ومنستعملها بحالة الاحتمالية ، مثال :
if he studied, he would pass the exam
لو أنه درس ، لكان نجح في الامتحان ( ربما )

3- الماضي التام past perfect : هي الحالة منستخدمها اذا كنا عم نحكي عن شي مستحيل الحدوث ، ومنستخدم بالقسم الاول زمن الماضي التام ، وبالقسم التاني (would + have + pp ) ، الـ pp : يعني الزمن بالتصريف التالت . مثال :
if he had studied, he would have passed
لو أنه درس ، لكان نجح ( أي ان الفعل انتهى زمنه ، وأصبح مستحيل انو ينجح بالامتحان )

ملاحظات :
1- دائما الفعل بعد will و would يجب أن يكون مصدراً ( يعني ما منصرفو ولا منعطيه زمن ، لأنو فيك تعتبر أنو الزمن اخدتو الـ will )

2- هناك في الجمل الشرطية ما يسمى بـ ( الماضي غير الحقيقي ) unreal past : ونستخدمه في حالة التمني أو كما في المثال

if I were you , I would buy a car
لو كنت مكانك ، لاشتريت سيارة

بالماضي غير الحقيقي يجوز أن تأتي were مع كل الضمائر .

If he were a doctor, he would help us
لو كان طبيباً ، لتمكن من مساعدتنا

دائما صيغة التمني يجب أن تكون بالماضي غير الحقيقي
I wish I were an English teacher
أتمنى لو كنت معلمة لغة انكليزية






تحياتي الك .... واذا في أي شي ما فهمتو اسألنا ، وانشالله منقدر نساعدك
سلام

[عرين]

أي شي ياجماعة أنا حاضر . .

بس هيك رح تضيع الطاسة . . وماعاد نعرف كيف بدنا نطلب . . ولا حتى كيف بدنا نساعد ؟؟

[ORKID]

ليش وين المشكلة يا عرين ؟؟؟

[عرين]

لمّا بيكبر هالقسم من هالمنتدى . . بتكبر معو الطلبات . . وفي ناس كتير ما بستفاد من طلبات ناس . .

لهيك . . التبوبيب والفصل هوّي أفضل شي للإستفادة العامة . . بدل ما نطرح كل الطلبات بموضوع واحد . .

[علاء الدالية]

لمّا بيكبر هالقسم من هالمنتدى . . بتكبر معو الطلبات . . وفي ناس كتير ما بستفاد من طلبات ناس . .

لهيك . . التبوبيب والفصل هوّي أفضل شي للإستفادة العامة . . بدل ما نطرح كل الطلبات بموضوع واحد . .
كيفك أخي عرين
كان فكرة طرح الموضوع في البداية صغيرة و إسعافية إذا بدك ... قلنا لحالنا الدنيا بهالوقت امتحانات و اللي بدو سؤال بيقدر يطرحو و بدأت فيني أنا و اوركيد و الأعضاء بعدين تطوعوا لحالون و نحن يومياً بالملتقى و صار كم نموذج و جاوبنا
بعد الامتحان شو بيصير ما بنعرف... و ممكن كلامك يصير و هيك بيصير مو بس أسئلة و أجوبة لا كمان الطلاب بتطرح مواضيع للإغناء
ما بعرف يمكن انت مزعوج مشان الأخ اللي طلب مساعدة بحلقة بحثه بس يا أخي كلامه غير مترابط يعني مرة حلقة البحث إلو و مرة لأختو و بعدين صار بدو ياها بالانكليزي و الأسئلة متل ما قال أبو يوشع شخصية و أنا كنت بدي فوت هلق و شوف إذا ما حدا جاوبه كنت رح اطلب منه يكتب الأجوبة اللي بيقترحها بالعربي و بنترجمله ياها و الأخت ندى الصباح مشكورة قامت بالواجب و أكتر

[ORKID]

هلأ فكرتك مزبوطة عرين ، بس متل ما شايف انو ما في كل هالطلبات الكتيرة ..........
بس أكيد اذا كبر الموضوع مع مرور الوقت رح يتنظم بشكل أحسن من هلأ............

[عرين]

تمام التمام . . أنا بتمنى الموضوع يكبر أكتر . . ع الأقل نحس حالنا عم نعمل شي . .
ممكن نساعد أي حدا بالجامعة : إن كان . . تسجيل , كتب , مراجع , دكاترة , مواقع , روابط , رفقات . . .

وهاد الشي كوّيس كتير . . المهم إنو الفكرة وصلت . . ونحنا هون لنساعد بعض . .!!

أي شي بقدر بساعد فيه . . خبّروني أمانة . .

[ORKID]

تمام التمام . . أنا بتمنى الموضوع يكبر أكتر . . ع الأقل نحس حالنا عم نعمل شي . .
ممكن نساعد أي حدا بالجامعة : إن كان . . تسجيل , كتب , مراجع , دكاترة , مواقع , روابط , رفقات . . .

وهاد الشي كوّيس كتير . . المهم إنو الفكرة وصلت . . ونحنا هون لنساعد بعض . .!!

أي شي بقدر بساعد فيه . . خبّروني أمانة . .

ههههههههههههه

هلأ كل هالحكي فهمتو .... بس هي ( دكاترة ) ما زبطت معي !!!!!!!!!!!

لتكون رئيس الجامعة وما انا خبر ؟؟؟؟؟؟؟؟؟؟ ::hmm::hmm::hmm::hmm::hmm

[عرين]

هههههههههههههههههههههههه

بس بلكي كان شي حدا بكليتي . . إي ما ضل حدا وما درّسني . .::angry::angry

قال رئيس جامعة قال . . إي والله يطوبها بإسمي ما بشتريها بقشر بصلة . .::waa3::waa3

الدنيا وقت إمتحانات . . لا تفتحيلي قريحتي ها . . ::secret ::secret

[ORKID]

خلص خلص لا تعصب
بما انو الدنيا امتحانات ، شو عم تعمل حضرتك هون ؟؟؟؟؟؟؟؟؟؟


يلا عالدرس

[عرين]

شباكي نازلة فيني هيك . . ؟؟

بعصّب ها . .

هههههههههههههههههههههه

وهلق ع النوم . . . قال ع الدرس قال . .

[ORKID]

شباكي نازلة فيني هيك . . ؟؟

بعصّب ها . .

هههههههههههههههههههههه

وهلق ع النوم . . . قال ع الدرس قال . .

اي لأنو مو شايفة بالميدان غير حديدان .......... ::noo::dry
بكرا بدي ذكرك بس تطلع النتائج :confused::confused::confused:

[يوسف علي]

السلام عليكم اخواني الكرام
ارجو ممن يستطيع مساعدتي في بحثي بعنوان العادات الخاطئة في تربية الوليد خلال الشهر الاول من عمره
وذلك من خلال مواقع عربية او انكليزية تتحدث عن هذا الموضوع
او مقالات تتحدث عنة او معلوماتكمن الشخصية
او دعوات اخوية قوية علوية بالتوفيق من رب البرية
وانشالله بالجنة يجمعنا سوية

[نورا]

السلام عليكم اخواني الكرام
ارجو ممن يستطيع مساعدتي في بحثي بعنوان العادات الخاطئة في تربية الوليد خلال الشهر الاول من عمره
وذلك من خلال مواقع عربية او انكليزية تتحدث عن هذا الموضوع
او مقالات تتحدث عنة او معلوماتكمن الشخصية
او دعوات اخوية قوية علوية بالتوفيق من رب البرية
وانشالله بالجنة يجمعنا سوية


والله يا أخي أنا هلا ما فيي غير ابعت دعوة علوية قوية
لرب البرية يوفقك

[علاء الدالية]

أخي العزيز يوسف
أتمنى من الأخوة أن يساعدوك بما يستطيعوا كون المجال بعيد عن اختصاصي
و لكن إذا كان بإمكانك الانتظار يومين ... يمكنني أن أجري لك بحثاً مستفيضاً على الانترنت و ضمن المكتبة التي أملكها
و الله يوفقك

[فاحل]

اللي بدو يسأل عن أي شي يتعلق ب هندسة الاتصالات و الالكترونيات فاجواب سيأتيه مني لا محالة