المساعد الشخصي الرقمي

مشاهدة النسخة كاملة : امثال عربيه 2

احمد
07-21-2006, 10:31 PM
إذا كان صاحبك عسل لا تلحسو كلّو
عرج الجمل من شفتو
الجار قبل الدار
أنا وأخي على ابن عمي, أنا وابن عمي على الغريب
يلّي فات مات
يا رايح كتّر ملايح
حبل الكذب قصير
العجلة من الشيطان والتأني من الرحمن
فرخ البط عوّام
علّمناهم الشحادة , سبقونا على البواب
شحّاد ومشارط
القرد في عين أمّو غزال!
من قلّة الخيل ركبنا على الكلاب سروج
الديك الفصيح من البيضة يصيح
الصبر مفتاح الفرج
ضربني وبكى, سبقني واشتكى
على قد لحافك مد رجليك
عصفور باليد أحسن من عشرة على الشجرة
أسأل مجرب ولا تسأل حكيم
متل الأطرش في الزفّة
مو كل مرّة بتسلم الجرّة
يلّي ايدو بالمي مو متل يلي ايدو بالنار
بطعمي اللوز للي مالو سنان
خيرها بغيرها
كل عقدة لها حلاّل
ابعد عن الشرّ وغنّي له
تيتي تيتي متل ما رحتي متل ما جيتي
اصرف ما في الجيب يأتيك ما في الغيب
يا آخد القرد على مالو راح المال وبقي القرد على حالو
يا داخل بين البصلة وقشرتها , ما ينوبك إلا ريحتها
متل الحيّة من تحت التبن
غابت السباع . ولعبت الضباع
طب الجرة على تمها , بتطلع البنت لأمها
تاجرنا بالأكفان , بطّلت الناس تموت
مالك اسماعيل
07-22-2006, 12:32 AM
يسلمو ايديك خيي احمد بس كملا بها المثل: جاي بيعرج بحاره المكرسحين
* شوق *
07-22-2006, 02:31 AM
يسلموا ابو حيدر..

اللي مروته بأسنانه ما بياكل.....:mad: :D
احمد
07-22-2006, 11:59 AM
هههههههههههههههههههههههههههه
مشكورين يا حلوين
طليق الأسر
07-22-2006, 12:07 PM
غابت السباع . ولعبت الضباع
يعطيك العافيه اخي ابوحيدر
احمد
07-22-2006, 10:30 PM
مثل ارمني
الهوا بيمشي مامتل مابدو سفينه

يعني تجري الرياح بما لا تشتهي السفن
لؤلؤة
07-22-2006, 11:31 PM
ههههههههههههههههههههههههههههه
حلوة ...
ضربني وبكى, سبقني واشتكى ...
هيدا وليد جنبلاط ...
القرد في عين أمّو غزال ...
هيدا بوووش ...
يا آخد القرد على مالو راح المال وبقي القرد على حالو ...
هيدا سعد الحريري ..
هيهيهيهيهيهيهيهيهي ....
* شوق *
07-23-2006, 02:25 AM
حلوين لولو ...جبتيها بمكانها...
ياسين
03-14-2007, 10:11 PM
المثل الارمني يقول
ريح تمشي هيك هيك سفينة يمشي هيك هيك
Saftliya Cool
03-14-2007, 10:19 PM
يلّي ايدو بالمي مو متل يلي ايدو بالنار

اصرف ما في الجيب يأتيك ما في الغيب
يا آخد القرد على مالو راح المال وبقي القرد على حالو

فعلا مجموعة امثال حكيمة يعطيك العافية
لك خالص الشكر والتقدير
دمت بعبير الياسمين
يلدار
03-14-2007, 10:52 PM
مشكور جدا اخي احمد علة الباقة الرائعة
من امثالنا اليومية
يسلمووووووووووووووووووووووووووو
gheath
03-14-2007, 11:22 PM
يسعد مساكون يا طيبين
والله انا كتير بحب هلامثال كتير كتير
وسمعوو هالحوار يلي دار بين ام حسين أمّون مع ام صالح جفلة
على جرن الحنطة عنا بالضيعة

الله يصبحك بالخير يا جفلة الله لا يسعد صباحييك يا اموّون شباكي
جاي قبل الشحادي وبنتا اهوووت علينننا هالعادي ابقا تبطليهااا
الجمييل لو شاف حردبتووو لوقع وانقرفت رقبتووو
لك سكتي الله يقطعك ويقطع خبارك كنك مو متل البوم ابتدلي غير عالخراب
انا بومي يا عجوزة النحس .
بتتفاجئ اموون هوون وبتقووول من طول عمرك يا زبيبة
لك سكتي شوو بالعة راديوووو
وبتنضم للجلسة ام أمين فطوم كيفيين يا صبايا ( هي كلمة السر متعارف عليها)
أهلييين وهنتي شوو جابك جيرة بنتك وراكي يعني شوو طبي الجرة عاتما بتطلع هالمفعوصة
لاماا عم تعلميها على اللققلى من هلق بترد هلق هي مفعوصة لك ليكي ملاك والبس بياكل عشاها
اي سكتي سكتي القرد بعين اموو غزال
اي شوو عم ميين عم تحكووو هالمرة
سمعتك عم تقليها بتشربي متي ولا منحكي على العالم قالتلك من شوي شربنا متة
لك شووو شغل وين هالجوزات شغل مغرييب هاتي دوقينا حبة اي هاتي بس كسريلي اياها
بترد هوون اموون لك ليك شحادة ومشارطة شوو قلتي انا شحادي لك نسيتي سطل اللبين يلي صرلوو
سنة عندك وما رجعتيه صحي علمناهن عا الشحيدي سبقوناا على البواب
انا رايحة تضربووا انت وقعدتكون كننين ابتعملوو وجع راس
اي لكن عطيني هالغربييل من صوبك يا رايح كتر ملايح
اموون مخاطبة جفلة اي راحت درب يسد وما يرد
هوون بتنط جفلة وبتقوول لك اموون ليكون الحكي الك يا كني سمعي يا جارة
وقيصدتيني الي بتقول اموون لك هلق هيك فهمتيها اي الك رروحي بلطي الزرقاا
وبتزعل جفلةة وبترووح وبيمر شب عم يغني شفتك يا جفلة عا البيدر طالعة وسالتك يا عيني
ليش مفرعة بتطلعلوو جفلة من ورا الشجرة وبتقلووو اي والللله يا عين ستك مششوبة


وكل يوم على هالمنوال لا بيخلوني نام من الصبح بيبلشوو الحكي



س1: استخرج تسعة امثال من النص
Saftliya Cool
03-15-2007, 12:07 AM
الجمييل لو شاف حردبتووو لوقع وانقرفت رقبتووو
متل البوم ابتدلي غير عالخراب
طبي الجرة عاتما بتطلع هالمفعوصة
ملاك والبس بياكل عشاها
القرد بعين اموو غزال
شحادة ومشارطة
علمناهن عا الشحيدي سبقوناا على البواب
يا رايح كتر ملايح
درب يسد وما يرد
الحكي الك يا كني سمعي يا جارة
بلطي الزرقاا


وجدتها وجدتها وجدتها
شوووووووو هيدا ياغياث دوختني السبع دوخات :) عم بمزح معك لقيتون بسرعة
طمني اجاباتي صحيحة ولا باخد راي الجمهور او بتصل بصديق :)

حلوي منك ياغياث
دمت بعبير الياسمين
Saftliya Cool
03-15-2007, 12:08 AM
بس كانو طلع معي اكتر من تسعة :)
gheath
03-15-2007, 12:14 AM
الجمييل لو شاف حردبتووو لوقع وانقرفت رقبتووو
متل البوم ابتدلي غير عالخراب
طبي الجرة عاتما بتطلع هالمفعوصة
ملاك والبس بياكل عشاها
القرد بعين اموو غزال
شحادة ومشارطة
علمناهن عا الشحيدي سبقوناا على البواب
يا رايح كتر ملايح
درب يسد وما يرد
الحكي الك يا كني سمعي يا جارة
بلطي الزرقاا


وجدتها وجدتها وجدتها
شوووووووو هيدا ياغياث دوختني السبع دوخات :) عم بمزح معك لقيتون بسرعة
طمني اجاباتي صحيحة ولا باخد راي الجمهور او بتصل بصديق :)

حلوي منك ياغياث
دمت بعبير الياسمين

اي شوو هيداا لو كنتي قاعدة معهون ما طلع معك هيك
شاطرة يا رشااا
بس الشق التاني من السؤال
اكتبي هالامثال الف مرة
محب الأنبياء
03-15-2007, 12:56 AM
بدكم مثل عربي :
أشئم من البسوس
يطلق هذا المثل على كونداليزا
يلدار
03-15-2007, 01:03 AM
هالامثال الف مرة

هي عنك اختي Saftliya Cool
شو رايك خيي غياث بترضى هيك
gheath
03-15-2007, 01:07 AM
هالامثال الف مرة

هي عنك اختي Saftliya Cool
شو رايك خيي غياث بترضى هيك

لك انت على عيني وراسي من فووق خي يلدرر
انت شوو ابتقوول برضى وانا مغمض
يلدرر يلي حكى موو شوو ما كان

يسعد صباحك
يلدار
03-15-2007, 01:16 AM
لك انت على عيني وراسي من فووق خي يلدرر
انت شوو ابتقوول برضى وانا مغمض
يلدرر يلي حكى موو شوو ما كان

يسعد صباحك

على راسي والله احلى اخ غياث
على رمشي بتمشي

لانو انت قلتلها اكتبي هالامث...............
وشفتها طولت,,,
Saftliya Cool
03-15-2007, 01:22 AM
شووووووووووووووووووو ياغياث اللي اوله شرط اخرو نور

السؤال ماقلت فيه انو الو بقية شقوق

شايف دعم الصديق اجاني من خيي يلدار فوراً

والله على عيني

بس الشي المفقود من السؤال

وييييييييين جائزتي ؟

شو رح تعطيني

وحضر الف هدية لــ يلدار مشان امر الاعادة :)
gheath
03-15-2007, 01:31 AM
لائ انا قلت س1
يعني في س2
س3
س4
وبتستاهلي الهدية مناصفة بينك وبين الاح يلدررر

الجائزة هي عن رحلة الى دور العرض بفرنسا
وجائزتك خيي يلدار كم منتج من ارضنا الخضراء
وشووية منتجات هيك من ارض الوطن
Saftliya Cool
03-15-2007, 01:45 AM
wooooooooooooow

اي شو هالزوء هيدا كلووووووووووووووو

انا من ناحيتي عجبتني

وميرسي كتير

لنشوف اذا عجبيتو ل يلدار

مع اني طلبت انو يكون الو الف جائزة او نروح ع فرنسا 1000 مرة مكرر وهيدا الشق التاني من الجواب
هبة الله
03-15-2007, 03:13 AM
وهاد مثل اغريقي كمان
العصفور الذي يغرد كثيراً يجهل صنع عشه
*علاء*
03-15-2007, 04:18 AM
مشكور كتير اخ احمد امثال رائعة